Duket se polemikat mbi fituesin/en e Festivalit të Këngës në RTSH, nuk kanë fund. Pas kompozitores Diana Ziu, një tjetër artist mendon se në këtë festival ka korrupsion.
I ftuar në “Thumb On”, këngëtari i njohur Luiz Ejlli është shprehur se ka korrupsion në këtë festival dhe hilet e pazaret filluan që kur këngëtari fitues do të përfaqësonte Shqipërinë në Eurovizion.
“Përsa i përket debatit që ka bërë Vera me Dianën, nuk kam dijeni, nuk e kam lexuar. Si gjithmonë, në festivalet shqiptare janë lakuar emrat, jo fiton x, jo fiton y. Personalisht mendoj se ai festival ka qenë dhe do të jetë më i rëndësishmi në Shqipëri. Por që kur u fut Eurovizion, u bë pak i korruptuar, filluan hilet dhe pazaret”-tha këngëtari.
NDIQE LIVE "PANORAMA TV" © Panorama.al
