“Lufta e përditshme me qeverinë dhe zyrtarët e korruptuar”, Basha nxjerr studimin e OECD për taksat dhe ditët që u ‘vidhen’ shqiptarëve: Ndryshimin s’ka forcë ta ndalë askush!

Jul 11, 2020 | 11:42
SHPËRNDAJE

basha 12

Plot 32 ditë në vit nga jeta e tyre u vidhen shqiptareve për të paguar 35 lloje të ndryshme taksash dhe tarifash. Kreu i PD-se, Lulzim Basha, duke iu referuar llogarise se publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi i PD-se, për të ndryshuar këtë sistem mbytës për ekonominë e çdo familje.

Me nje reagim ne faqen e tij ne Facebook, Basha, thekson se “Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes”.

Reagimi i Bashës

Të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.

Sistemi që RAMAVIRUSI ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje.

Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes.

E dimë që vendimet tona shkojnë kundër interesave të një grushti njerëzish të lidhur me pushtetin personal të Edi Ramës, por ne do t’i marrim këto vendime për ta pastruar ekonominë nga RAMAVIRUSI dhe për ta çliruar shumicën absolute të shqiptarëve nga depresioni dhe kriza RAMA. Ekonomia nuk do të punojë për të pasuruar qeveritarët dhe klientët e tyre, por do të prodhojë mirëqenie, duke hapur vende të reja pune.

Ndryshimin nuk ka forcë ta ndalë askush! #ditemetemira

1

https://read.oecd-ilibrary.org/governance/government-at-a-glance-western-balkans_a8c72f1b-en#page43

NDIQE LIVE "PANORAMA TV" © Panorama.al

Te lidhura