Një histori dashurie që po zhvillohet “underground” e që për herë të parë u përfol në muajin prill, është ajo mes prezantueses së “Top Channel”, Luana Vjollca, dhe menaxherit të pasur nga Kosova, Krenar Çoçaj, ish-i dashuri i Dafina Zeqirit.
Shkak për rikthimin e vëmendjes te kjo histori e re dashurie në showbiz-in shqiptar këtë verë, u bënë pushimet e Luana Vjollcës në Santorini, ishulli që zgjedhin zakonisht çiftet e reja për të pushuar. Ndërkohë që ngjalli diskutime fakti se kush është partneri që e shoqëron Luanën atje për pesë ditë, emisioni “Prive” dha lajmin e sigurt se ai është Krenar Çoçaj. Në fillim ishte vetë Luana që dekonspiroi arratisjen e tyre me anë të një postimi në Instagram, ku nënvizoi datën 10 korrik 2016, që rastis të jetë ditëlindja e Krenarit.
Sipas miqve të çiftit, Krenari, i cili ka lindur më 10 korrik të vitit 1988, kishte menduar që ta festonte 28-vjetorin çift, në intimitet vetëm për vetëm me Luanën. Ata ende nuk kanë postuar ndonjë foto nga pushimet e tyre, përveç Luanës, e cila nuk ka rezistuar, duke ndarë me miqtë çdo ditë foto ku ekspozon linjat tashmë të kolme.
Ndërkohë, për ta shpërqendruar paksa vëmendjen e publikut, Luana bashkë me fotot ka postuar në rrjetet sociale një lajm ku dëshmon se në Greqi ajo ndodhet për xhirimet e një reklame, përveç pushimeve. Prej muajsh edhe stili i saj i jetës ka ndryshuar, pasi shihet të udhëtojë shpesh drejt Prishtinës, ku kalon fundjavat me partnerin e ri.
I DASHURI I RI I LUANËS, KUSH ËSHTË DJALI I FIKSUAR PAS FEMRAVE VIP
Po kush është Krenar Çoçaj në Prishtinë, dhe si ka mundësi që këtij djali të panjohur për ndonjë talent në botën e artit i ndodh gjithmonë të jetë i dashuri i vajzave VIP nga Kosova e Tirana.
Sipas burimeve tona, ai është menaxher artistësh, dhe komentohet për pasurinë që e ka të trashëguar nga familja. Paratë i japin mundësinë të jetë gjithmonë pranë personave me standard jetese të lartë, dhe shumica e tyre me famë në fusha të ndryshme.
Gjithashtu, atij i pëlqen të udhëtojë dhe të bëjë jetë luksi, ku veçohet pasioni për pushimet në qytetet më të bukura të botës. Para Santorinit ai ishte në Paris me Luanën, udhëtim që u zbulua nga një ndjekëse në Instagramin e saj, ndërsa shkruante në një koment: “Sa ju takova ty e Krenar Çoçaj, shumë çift i bukur”. Ky koment, të cilin Luana e fshiu menjëherë, u pasua nga një tjetër, ku thuhej: “Mos e mbaj të fshehtë Krenarin, se e kemi zbuluar cili është i dashuri yt, ish-i dashuri i Dafina Zeqirit…”.
Dhe më poshtë, po e njëjta komentuese, shkruante se shumë shpejt do t’i bëjë edhe foto paparaci çiftit. Pavarë- sisht historive të tjera, kjo është e dyta histori e Krenarit që bëhet publike pas lidhjes së gjatë me Dafina Zeqirin, në kohën që ai e menaxhonte dhe si këngëtare. Para disa vitesh ata bashkëjetonin në Prishtinë, dhe Krenari ishte arsyeja e kthimit të saj nga Shtetet e Bashkuara të Amerikës dhe nisjes së një karriere të vërtetë.
Partneriteti i tyre rezultoi shumë i suksesshëm pasi Dafina nën menaxhimin e tij arriti të realizonte projekte vërtet të veçanta, por jo në dashuri, pasi ata u ndanë për çështje parash. Sipas mediave të Kosovës në atë kohë, Dafina u ndie e shfrytëzuar nga Krenari, i cili sipas saj bënte jetë luksi me paratë që ajo fitonte nga koncertet.
KRENAR ÇOÇAJ, SI RRAHU DAFINA ZEQIRIN DHE LEDRI VULËN DHE DËSHMIA E GETOAR SELIMIT
Gazetat e Kosovës shkruan për herë të fundit për Krenar Çoçajn, ku ai së bashku me një djalë tjetër të quajtur Gazmend Mirena u paraqitën në gjykatë për t’u përballur me akuzën e lëndimit të lehtë trupor ndaj reperit të njohur, Ledri Vula. Në padinë e hartuar nga prokurorja Besa Limani, e datës 7 qershor të vitit 2012, Gazmend Mirena dhe Krenar Çoçaj (ish-i dashuri i këngëtares Dafina Zeqiri) sulmuan dhe rrahën Ledri Vulën.
Në të thuhej se Mirena e kishte goditur Vulën me armë, ndërsa Krenar Çoçaj e kishte goditur me shufër metali. Në këtë çështje u përfshi edhe Getoar Selimi, partneri aktual i motrës së Luana Vjollcës, Marinës. Reperi u thirr të dëshmonte çfarë kishte parë, pasi ishte ndodhur në momentin e konfliktit.
Edhe pse Krenari e mohoi këtë fakt, ai u mbrojt me fjalët se donin ta fusnin në telashe për faktin që ka qenë i dashuri i Dafina Zeqirit, e cila në atë kohë ishte e dashura e Ledrit. Xhelozia ishte motivi që e shtyu Krenarin të ushtronte dhunë ndaj Ledrit, sipas shkrimeve të pasqyruara nga portalet e Kosovës, që i dhanë jehonë shumë të madhe këtij sherri. Por ky nuk ishte rasti i vetëm që Krenari akuzohej për dhunë.
Ai u përfol se kishte bërë të njëjtën gjë me Dafinën në shtëpinë e tyre, kur bashkëjetonin, sjellje që e detyroi këngëtaren të braktiste banesën në mesnatë./ Panorama Plus/
NDIQE LIVE "PANORAMA TV" © Panorama.al
