LSI “fut ujë” edhe në Shkodër, katër këshilltarë bashkohen me PS

Mar 22, 2018 | 12:38
SHPËRNDAJE

Katër nga dhjetë këshilltarët e Lëvizjes Socialiste në Shkodër, me anë të një letre kanë bërë publik vendimin e tyre për tu larguar nga kjo forcë dhe për tu bashkuar me Partinë Socialiste.

Ata shprehen se vendimi i tyre ka ardhur pasi: “LSI dhe PD lan pas krahëve ëndrrën e shkodranëve dhe të gjithë shqiptarëve duke u investuar në një kthim të fuqishëm kursi nga e shkuara dhe jo nga e ardhmja”.

Elton Radovani, Roza Dedvukaj, Mirjam Bleta, Sokol Jubica janë katër këshilltarët që u larguan nga LSI në Shkodër, duke e lënë këtë forcë me 6 këshilltarë.

Në Shkodër përsëri maxhornacë mbetet e djathta, pasi PD dhe LSI kanë 33 nga 51 anëtar të Këshillit Bashkiak.

Keshilli-bashkiak-Shkoder-470x313

Deklarata e plotë

Zgjodhëm të bëhemi pjesë e Këshillit Bashkiak të Shkodrës 3 vite më parë nën siglën e LSI me shpresën se vendi do të jetësonte shpejtë ëndrrën për një Shqipëri si gjithë Evropa. Por për fat të keq LSI dhe PD lan pas krahëve ëndrrën e shkodranëve dhe të gjithë shqiptarëve duke u investuar në një kthim të fuqishëm kursi nga e shkuara dhe jo nga e ardhmja.

LSI u ngrit si një forcë që në themel kishte integrimin në BE, realizimin e reforma transformuese për vendin,  dhe jo një Shqipëri të influencuar nga qarqe dashakeqe ruse që kërkojnë ta kthejnë vendin në një teatër përplasjesh dhe destabiliteti. Koalicioni anti perëndimor LSI-PD është kthyer tashme në një koalicion anti shqiptar që me para të errëta kërkojnë të vënë në jetë një skenar ogurzi për Shqipërinë.

Qytetarët e Shkodrës e din fort mirë çdo të thotë kthim nga lindja, pasojat që ka dhe u sjell atyre në kujtesë ditë errëta. Kemi kërkuar votën e qytetarëve të Shkodrës që tu shërbejmë interesave të qytetit dhe jo interesave të influencave të huaja.

Deklarojmë sot përfundimisht largimin nga grupi i këshilltarëve të LSI, largimin nga politika anti shqiptare e Lulëzim Bashës dhe të koalicionit LSI-PD të bekuar nga qarqet pro-ruse që kërkojnë të marrin peng të ardhmen evropiane të Shqipërisë.

Gjejmë rastin që ti bëjmë thirrje të gjithë këshilltarëve të tjerë të LSI në të gjithë njësitë administrative të vendit të ndjekin shembullin tonë dhe të atyre para nesh, për tu mos  vënë në shërbim të interesave okulte që nuk kanë asgjë të përbashkët me të ardhmen evropiane të Shqipërisë.

NDIQE LIVE "PANORAMA TV" © Panorama.al

Te lidhura