Megjithë humbjen në ndeshjen me Serbinë, skuadra e De Biazit ka edhe një shans tjetër për tu kualifikuar direkt për në Francë 2016.
Të dielën në mbrëmje kuqezinjtë do të luajnë në Armeni përballë ekipit vendas, i cili tashmë nuk ka asnjë shpresë për tu kualifikuar.
Portugalia fitoi përballë Danimarkës duke i bërë një nder të madh Shqipërisë. Skuadra daneze me këtë humbje qëndron në kuotën e 12 pikëve, ndërsa Shqipëria është me vetëm një pikë më pak.
Një fitore e Shqipërisë përballë Armenisë të dielën do ta çonte në finalet e kampionatit Europian ekipin e De Biazit, ndërsa Danimarkën do ta çonte në fazën e play-off.
Në të kundërt, nëse në Armeni do të marrim një rezultat tjetër veç fitores, do të presim shortin për të parë se kush do të jetë ekipi kundërshtar në play-off.
NDIQE LIVE "PANORAMA TV" © Panorama.al
