Janë 242 familje në kryeqytet, që kanë gati lejen e legalizimit. ALUIZNI ka publikuar dje listën e përfituesve të rinj.
Qytetarët që kanë emrin në listë kanë detyrimin për të paguar faturën e truallit. Në bazë të ndryshimeve të miratuara nga qeveria në fund të muajit dhjetor, shlyerja e pagesës nuk është parakusht për marrjen e lejes.
Familjet do të kenë mundësi të legalizojnë objektin edhe nëse nuk derdhin shumën që u është faturuar për parcelën ndërtimore.
Ajo që ndodh më vonë është se humbasin mundësinë për të përfituar nga lehtësirat që aplikohen brenda afatit 40-ditor.
Sakaq, pas kësaj praktike, dosja depozitohet në Hipotekë nga ALUIZNI dhe regjistrimi i tokës bëhet me hipotekë ligjore deri në likuidimin e pagesës nga ana e qytetarit.
NDIQE LIVE "PANORAMA TV" © Panorama.al
