Kush janë liderët më me peshë në Bashkimin Evropian? Gazeta “Politico”, ka renditur liderët kombëtare të vendeve evropian duke u nisur nga forca e ambasadorëve të tyre në BE, pushteti dhe influenca.
Në listën e vendeve dhe liderëve më me ndikim në Bruksel është përfshirë Turqia dhe vende të tjera që aspirojnë të ulen në tavolinën e mbledhjeve të Këshillit të BE-së.
Gjermania dhe Franca janë vazhdimisht në garë se kush është vendi më me ndikim në Bruksel. E para ndikon kryesisht me anë të lidershipit të fortë të Angela Merkel kurse Franca përmes fuqisë së ambasadorëve të Francois Hollande.
Po Shqipëria? Ndonëse presidenti i Parlamentit Evropian, Martin Shulz dje gjatë takimit me Presidentin, Bujar Nishani tha se Shqipëria është një komb me historia të madhe, ndikimi ynë në Bruksel është minimal.
Fuqia e Edi Ramës për vendimmarrjen si për nga lidershipi si dhe për nga ambasadorët është më i ulëti në vendet e Evropës.
Maqedonia dhe Mali i Zi qëndrojnë më lartë, e para sa i takon lidershipit të fortë dhe e dyta për nga ndikimi i ambasadorëve.
Harta e liderëve më të fuqishëm:
Harta e vendeve më me peshë: Sa më e errët bluja aq më i pushtetshëm
Shqipëria renditet e 33-ta sa i takon renditjes së vendeve më të fuqishme në Evropë. Një pozicion më lart qëndron Maqedonia dhe më pas vjen Mali i Zi.
Në të dhënat e Shqipërisë thuhet se ambasadore e saj në Bruksel është Suela Janina dhe në arsyen pse ndodhet në fundin e listës thuhet se do t’i duhen të presë shumë për t’u bërë vend anëtar i BE-së.
Në këtë listë në krye qëndron Gjermania, e ndjekur nga Britania dhe Madhe dhe në vend të tretë vjen Franca dhe në vendin e katër është Italia.
“Politico.eu” është pjesë e organizatës gazetaresko-politike me qendër në Virxhinia SHBA. Ajo është pasardhëse e “European Voice”, që u ble nga një “Politico” dhe Anxel Springer AG.
NDIQE LIVE "PANORAMA TV" © Panorama.al
