LISTA/ AKEP mbyll 56 faqe interneti bastesh dhe lojërash online

Sep 20, 2018 | 7:40
SHPËRNDAJE

Autoriteti i Komunikimeve Elektronike dhe Postare (akep) ka bllokuar aksesin e 56 faqeve elektronike që ofronin zhvillimin e lojërave online, pas një kërkese të Autoritetit të Mbikëqyrjes së Lojërave të Fatit (shih listën e faqeve të bllokuara në fund).

baste-online-324x160

Burime zyrtare të AKEP thanë për Monitor se “AKEP nuk është institucioni iniciues dhe as vendimmarrës në lidhje me bllokimin e aksesit të faqeve elektronike, por AKEP ka marrë një kërkesë zyrtare nga Autoriteti i Mbikëqyrjes së Lojrave të Fatit, ku është kërkuar bllokimi i faqeve të internetit të shoqërive që ofrojnë zhvillimin e lojërave online, në kundërshtim me Ligjin nr.155/2015 “Për Lojërat e Fatit në Republikën e Shqipërisë”.

Autoriteti i Mbikëqyrjes së Lojërave të Fatit ka dërguar kërkesën pranë AKEP, pasi ka vlerësuar si të paligjshme përmbajtjen e faqeve elektronike.

Pas marrjes së kërkesës AKEP u ka çuar një shkresë operatorëve, që kryejnë aktivitet në fushën e basteve sportive, ku kërkon mbylljen e faqes.  “AKEP, me disponimin e kërkesës së organit kompetent të fushës për kufizimin e transmetimit me përmbajtje të paligjshme ose të dëmshme, i drejtohet sipërmarrësit,  subjektit që ofron rrjetin dhe/ose shërbimet e komunikimit elektronik publik, për ndërprerjen dhe bllokimin e  transmetimit të kësaj përmbajtje”.

Pas kësaj kërkese për kufizimin e transmetimit me përmbajtje të paligjshme ose të dëmshme, sipërmarrësi është i detyruar të veprojë menjëherë për ndërprerjen dhe bllokimin e transmetimit.

Këto faqe interneti ofronin opsionin e kazinove, lojërave online dhe vendosjes së basteve për ndjeshje, një aktivitet që është konsideruar si i paautorizuar dhe i palicencuar nga Autoriteti i Mbikëqyrjes së Lojërave të Fatit.

Aktiviteti i lojërave të fatit, lotove e kazinove është zgjerur ndjeshëm vitet e fundit edhe përmes pikave fizike të ofrimit të këtyre shërbimeve.  Sipas të dhënave të përpunuara nga “Monitor”, bazuar në xhirot e deklaruara të 14 kompanive kryesore të kazinove, basteve, loto, bingo, lotari, qarkullimi vjetor zyrtar i industrisë ishte 16.6 miliardë lekë, ose rreth 132 milionë euro, në vitin 2017. Në krahasim me një vit më parë, shpenzimet e shqiptarëve për loto e kazino janë rritur me 9.3%, apo rreth 11 milionë euro më shumë. Biznesi më i madh është te kazinotë. Nga deklarimet zyrtare, kazinotë elektronike rezultojnë kategoria ku shqiptarët tentojnë të provojnë fatin, në zgjedhjen e bardhë apo e zezë, lojërat me fruta, slot machines etj. Në subjektet e licencuara nga Autoriteti si kazino elektronike, rezultojnë të jenë shpenzuar 10 miliardë lekë, ose rreth 78 milionë euro. Kazinoja elektronike më e madhe në vend APEX – AL, e ndjekur nga ADRIATIK GAME, ASTRA ALBANIA Sh.a. Rritja e qarkullimit vjetor për kazinotë ka qenë minimale në 2017-n. Në të kundërt, kompanitë e basteve sportive kanë parë rritje të ndjeshme të të ardhurave në 2017-n, ndonëse një vit i zakonshëm pa Kampionate Botërore apo Europiane, i ndikuar nga shtimi i pikave nëpër qendrat e qyteteve. Për Top Start, Lotto Sport, ITSGA, rritja vjetore ka qenë afër 20%. Në total, shpenzimet për loto ishin 5.8 miliardë lekë, ose rreth 48 milionë euro në vitin 2017.

Lista e faqeve elektronike, që janë bllokuar nga AKEP, pas kërkesës së Autoritetit të Mbikëqyrjes së Lojërave të Fatit është si më poshtë:

  1. www.superbast.com
  2. www.pinnacle.com
  3. www.williamhill.com
  4. www.sbobet.com
  5. www.maxbet.com
  6. www.bet365.com
  7. www.bwin.com
  8. www.mollybet.com
  9. www.asianodds.com
  10. .www.betcity.com
  11. www.maxlloto.com
  12. www.betfair.com
  13. .www.eurolive.com
  14. www.betplus355.com
  15. www.igcbet.com
  16. www.m8.com
  1. www.1xbet.com
  2. www.matchbook.com
  3. www.dafabet.com
  4. www.paddypower.com
  5. www.bet300.com
  6. www.planetwin365.com
  7. www.lumibet.com
  8. www.888sport.com
  9. www.betstars.com
  10. www.bet111.al
  11. www.marathonbet.com
  12. www.10bet.com
  13. www.unibet.com
  1. www.5dimes.eu
  2. www.32red.com
  3. www.betsafe.com
  4. www.betsson.com
  5. www.betadria.com
  1. www.sportbet.com
  2. www.planetofbets.com
  3. www.18bet.com
  1. www.sportsbetting.ag
  2. www.lsbet.com
  3. www.planetofbets.ng
  4. www.slbet.com
  5. www.parimatch.com
  6. www.buff88.com
  1. www.betboro.com
  2. www.europebet.com
  3. www.novibet.com
  4. www.nordicbet.com
  5. www.guts.com
  6. www.jetbull.com
  7. www.netbet.com
  8. www.mybet.com
  9. www.optibet.com
  10. www.tipbet.com
  11. www.betcris.com
  12. www.winmasters.com
  13. www.betrally.com

 

 

Monitor

NDIQE LIVE "PANORAMA TV" © Panorama.al

Te lidhura