Dy shqiptarë janë arrestuar nga Policia Italiane pasi u janë gjetur në një automjet të vjedhur një automatik kallashnikov AK47, me 27 plumba dhe një pistoletë të kalibrit 7,65 dhe me plumba.
Një patrullë në Terlizzi ka vënë re një makinë të vogël luksoze, Delta Lancia, në të cilën po udhëtonin tre të rinj. Nga një kontroll i menjëhershëm nga targa e makinës rezultoi se ajo ishte e vjedhur.
Teksa policia po kontrollonte automjetin, të tre personat janë larguar me shpejtësi në përpjekje për t’i shpëtuar karabineriëve.
Pas një ndjekje me këmbë, dy prej tyre janë ndaluar, ndërsa i treti arriti t’i shpëtonte policisë.
Brenda në makinë u gjetën armët. Të arrestuarit, shtetas shqiptarë, emrat e të cilëve nuk bëhen me dije, u dërguan në burg në Trani në dispozicion të Prokurorisë lokale, dhe duhet të përgjigjen për akuzat e posedimit të armëve dhe municioneve.
NDIQE LIVE "PANORAMA TV" © Panorama.al
