Gjykata e Beratit ka vendosur masën e sigurisë “detyrim paraqitje” për tre inspektorët e IMT-së, që lejuan ndërtime pa leje, raporton News24.
Të tre inspektorët u arrestuan ditën e djeshme dhe lajmi është bërë i ditur nga Policia e Shtetit.
Tre inspektorët janë:
– L.S., 50 vjeç, banues në Dyshnik, Berat;
– E.V., 29 vjeç, banues në Berat;
– D.H., 45 vjeç, banues në Berat, të tre me detyrë inspektor pranë Inspektoratit të Mbrojtjes së Territorit (IMT) në Bashkinë Berat.
Nga hetimet e kryera ka rezultuar se 3 Inspektorët, në kundërshtim me ligjin, kanë favorizuar dhe lejuar shtetas të ndryshëm për të kryer ndërtime pa leje në territorin e Bashkisë Berat.
NDIQE LIVE "PANORAMA TV" © Panorama.al
