Shtetasit shqiptarë të Kosovës që duan të festojnë Pavarësinë e Shqipërisë dhe Festën e Flamurit këtë fundjavë nuk do të kenë asnjë pengesë për të kaluar kufirin drejt vendit tonë.
Ministri i Brendshëm Bledi Çuçi lajmëroi në mbledhjen e përbashkët të dy qeverive se është dhënë porosi në pikat e kalimit kufitar me Kosovën që të mos ketë asnjë kontroll e asnjë pengesë për kalimet e automjeteve.
“Sa i takon flukseve që do jenë të mëdha e jo të zakonshme duke përfshirë dhe festën komëbtare të datës 28 ku lëvizja do jetë me një fkluks të shtuar kemi dhënë porosi në dy anët e kufirit që mos ketë kontrolle e asnjë pengesë për qarkullimin e shtetasve për periudhën e fundjavës së gjatë që krijon festa e 28 nëntorit”, tha ministri shqiptar i Brendshëm.
Bledi Çuçi lajmëroi se shumë shpejt, përpara fillimit të sezonit të ardhshëm veror, në kufi me Kosovën do të vendoset një sistem kamerash që do lexojnë përmes targës të dhënat e automjetit pa pasur nevojë që ato të ndalojnë.
“Kemi marrë masat e s’do presim sezonin e verës për të lehtësuar qarkullimin e njerëzve sidomos në pikën kryesore të kalimit të dy vendeve tona.
Kemi rënë dakort që do vëmë një sistem kamerash në kufi dhe qarkullimi do bëhet pa ndalim e kamerat do regjistrojnë vetë cdo gjë sa i takon identitetit të makinës që kalon përmes leximit të targës së kamerave e cdo gjë do jetë automatike pa pasur nevoje të ndalojë në kufi. Kjo do jetë shumë më shpejt se sa fillim i sezonit”,- tha Çuçi.
Lejet e qendrimit 5 vjecare
Bledi Cuci: Kemi bërë kapërcim për të lehtësuar lejet për të jetuar në të dyja anët e kufirit të shqiptarisë duke bërë që nje shtetas mjafton të plotësojë një formular me një dokumet identifikimi e të deklarojë një adresë të përshtatshme dhe menjëherë pa asnjë procedurë shtesë merr lejen 5 vjecare dhe pastaj do i takojë leja e përhershme pa pasur nevoje të bëjë aplikim tjetër.
Lejet e punes
Bledi Cuci: Më me rëndësi në këtë pikë fakti që tani kjo leje qëndrimi unifikohet dhe e njësuar me lejen e punës, një kalvar që shtetasit tanë në dy anët e kufirit e kanë hequr në kurriz deri më sot, do të thotë pa asnjë dokument vetëm kjo leje qendrimi që merret me kaq lehtësi cdo shtetas ka të drejtë të punojë në të dy anët e kufirit.
S’ka nevoje për asnjë aplikim apo dokument për të marrë leje punë në Shqipëri apo Kosovë.
Leja e posacme
Bledi Cuci: Marrëveshja për lejetre posacme që do marrin banorët e zonave kufitare të dy vendeve për të lëvizur lirisht jo vetëm në pikat kufitare, do krijohet një entitet 30 m në brendësi të Shqiperise dhe 30 km në brendësi të Kosovës ku dy shtetasit e të dy anëve do përfitojnë shërbime të njëjta në Koosvë e Shqiperi sikur të jenë shtetas të të dy shteteve, janë 300 mijë banorë që do përfitojnë nga ky lehtësim, mund të ndjekin lirisht shkollën nga fillorja deri tek e mesme varësisht vendndoshes së institucioneve arsimore.
NDIQE LIVE "PANORAMA TV" © Panorama.al
