Në këto momente që futbolli është pezulluar për shkak të Koronavirusit, kanë filluar të qarkullojnë lajme në lidhje me lëvizjet e mundshme të lojtarëve në merkaton e verës.
Një nga emrat më të përfolur është Lautaro Martinez, për të cilin thuhet se ka shfaqur interes të madh Barcelona, që është gati të paguajë klauzolën e tij.
Megjithatë sulmuesi ka vendosur të heqë pak mendjen nga merkato dhe të mendojë për situatën e vështirë që po kalojnë të gjitha shtetet për shkak të Koronavirusit.
Sulmuesi zikaltër ka bërë një gjest shumë të madh, teksa ka dhuruar mjete ndihmëse mjekësore për një nga spitalet në Argjentinë. Ai ka dhuruar 3.350 litra alkool, 1000 doreza dhe 3000 veshje mjekësore, për të luftuar këtë virus famëkeq.
PANORAMASPORT.AL
NDIQE LIVE "PANORAMA TV" © Panorama.al