Liridon Latifi nuk i trembet aspak cilësisë së kundërshtarëve që ka përballe dhe beson se Skënderbeu mund të marrë një fitore në ndeshjen në transfertë ndaj Mllada Boleslav.
“Kemi parë videot e shumë ndeshjeve të Mllada Boleslav, ndaj jemi të përgatitur mirë për këtë sfidë. Barazimi do të ishte rezultat i mirë, por për ne, të fitojmë është objektivi kryesor në çdo ndeshje”, u shpreh mesfushori i Skënderbeut në konferencën e sotme për shtyp.
Latifi ka qenë një nga lojtarët kryesorë të Skënderbeut në ndeshjet e këtij sezoni në arenën ndërkombëtare. Mesfushori ka shënuar 3 gola në katër ndeshjet e luajtura deri tani nga ekipi korçar në Ligën e Europës.
NDIQE LIVE "PANORAMA TV" © Panorama.al
