Ish kryeministrit Sali Berisha ka folur sot për zgjedhjet e 25 prillit dhe marrëdhëniet me aleatët.
I ftuar në “Zone e Lirë”, Berisha ka folur për një largim të mundshëm të aleatit të PD-së, pra LSI-së pas zgjedhjeve.
Berisha i është përgjigjur pyetjeve të Arjan Çanit nëse Ilir Meta do të joshet nga kryeministri Rama për të qenë numri dy i qeverisë dhe Ministri i Brendshëm.
Ne përgjigjen e tij, ish-kryeministri Berisha tha se Edi Rama i tmerrohet faktit për ti dhënë Ilir Metës postin e Ministrit të Brendshëm.
Cani: Ramsi doktor, do ta kapë mandatin e tretë sepse sipas gojëve të liga ai po josh Ilir Metën me postin e Zv.kryeministrit dhe Ministrit të Brendshëm.
Berisha: Çdo post në tokë dhe mbi tokë mund ta imagjinoj Ilir Metën, por ai (Rama) tmerrohet nga ai post. Ai tmerrohet nga ai post.
Cani: Që ta marri Ilir Meta?
Berisha: Po, po.
Cani: Doktor midis nesh nuk ka asnjë rrezik që Ilir Meta në moment të fundit…
Berisha: Jo. Në vlerësimin tim gjithmonë.
Ish lideri i demokratëve theksoi se marrëdhëniet në koalicionin e PD janë më të forta se kurrë dhe se “fundi i Ramës” sipas tij është i pashmangshëm.
Berisha foli dhe për ambicien e tij për të qenë në Parlamentin e ri, teksa tha se s’e ka vendosur ende se ku do kandidojë në zgjedhjet e 25 prillit.
NDIQE LIVE "PANORAMA TV" © Panorama.al
