Një 25-vjeçar ka mbetur i ka mbetur i plagosur pasi është qëlluar me armë në Memaliaj. Policia bën të ditur se ngjarja ka ndodhur pasditen e sotme rreth orës 17:00 në aksin rrugor rural Buz- Memaliaj, në fshatin Xhafaj, bashkia Memaliaj.
Njoftimi i policisë
Memaliaj.
Informacion paraprak.
Njoftohemi se në aksin rrugor rural Buz- Memaliaj, në fshatin Xhafaj, bashkia Memaliaj, shtetasit D.H dhe D.M, të dy banues në Memaliaj duke udhëtuar me mjetin tip ford me targa AA275EH janë qëlluar nga një person i paidentifikuar me armë, ku si pasojë ka mbetur i plagosur shtetasi D.M, rreth 25 vjeç, i cili është shoqëruar në spitalin e Fierit dhe ndodhet jashtë rrezikut për jetën.
Në vendngjarje kanë shkuar shërbimet e policisë ku po bëhet krehja e zonës për kapjen e autorit.
NDIQE LIVE "PANORAMA TV" © Panorama.al
