Kapen 122 kg drogë në kufirin shqiptaro-grek
Lajmi i Fundit e Dielë, Shkurt 26th, 2012
IGUMENICË- Policia e Igumenices ka sekuestruar mengjesin e sotem 122 kg cannabis sativa ne afërsi të kufirit shqiptaro-grek. Sipas burimeve policore greke, policia kufitare e ajo e antidrogës kanë vene re dy makina që po lëviznin nga kufiri mes Sarandën dhe Igumenicës, për në brendësi të tokës greke.Për këtë është ngritur një postbllok, në vendin e quajtur “Neohor” Igumenicë. Thirrjes për të ndaluar i janë përgjigjur të dyja mjetet. Në njërin nga automjetet, tip fuoristradë, që drejtohej nga një grek 43-vjeç, policia ka gjetur 93 pako me sasi totale 122 kg 462 gram lëndë narkotike cannabis sativa. Ndërkohë, sipas policisë, automjeti i dytë që drejtohej nga një grek 30-vjeç shërbente si shoqërues i makinës me drogë.
Dy trafikantët janë arrestuar ndërkohë që sasia e drogës është sekuestruar. Gjatë hetimeve, dy grekët, kanë pranuar se drogën e ngarkuar në kufi nga disa shtetas shqiptarë që nuk i njihnin dhe si destinacion më pas kishin Athinën.
Shpresa DINE
Me shume nga kjo kategori:
- Rama: Taksim të ndershëm, jo taksë të sheshtë
- Parada gay, Sekui: BE, kundër diskriminimit
- LGI, Meta: Gra të angazhuara, shoqëri më e drejtë
- Barroso: S’ka ndryshime në detyrimet e Greqisë
- Prezantimi i FRD, Oketa takim me Wolfarth
- Topi në Nju Jork, i ftuar nga sekretari i OKB-së
- KLSH: Abuzime tek Ekonomia. Reagon METE
- Rama thirrje Berishës për konsensus: Po bën shurdhin
- Ikja e emigrantëve “ndihmon” thellimin e krizës
- Bulevardi, “Grimshaw Architects” shpallet fitues
Loading ...
