22 persona janë shpëtuar nga rrënojat e ndërtesave të shembura në qarkun e Durrës.
Mësohet se ata janë dërguar në spital për ndihmë mjekësore, por nuk dihet ende gjendja e tyre shëndetësore.
Tërmeti i fortë që goditi vendin në orët e para të mëngjesit të sotëm ka sjellë bilanc tragjik në vend, ku deri më tani numërohen 6 viktima, ndërsa të tjerë persona ndodhen nën rrënoja.
“Ne aksion prane rrenojave ne Durres e Thumane: efektivet xhenio, efektive te Forcave Speciale dhe te kerkim shpetimit”, thote ministria e Brendshme.
Rreth 1,900 forca policie janë të angazhuara në terren, për t’ju ardhur në ndihmë banorëve të prekur nga tërmeti.
Deri në këto momente u është dhënë ndihmē mbi 260 qytetarëve.
Për çdo ndihmë telefononi në numrin falas 112, raporton Ministria e Brendshme
