Ka përfunduar mbledhja e Kryesisë së PS-së ku janë caktuar kandidatët zyrtarë që do të garojnë në 5 bashki të vendit në zgjedhjet e 6 marsit. Drejtuesit politik të qarqeve kanë bërë me dije emrat në pesë bashki të vendit.
Në bashkinë e Dibrës të kandidojë Rrahman Spahiu, kandidati socialist në Vorë do të jetë Blerim Shera dhe në Rrogozhinë Edison Memolla.
Në Shkodër do të garojë prefektja e qarkut Majlinda Angoni. Në Durrës kandidatja e socialistëve do të jetë kryebashkiakja aktuale Emirjana Sako.
Pa kandidaturë ka mbetur vetëm Lushnja, bashki për të cilën sipas Taulant Ballës do të vendoset ditën e martë.
(17:49) Zgjedhjet e pjesshme të 6 marsit/ Mblidhet Kryesia e Partisë Socialiste, pritet të caktohen kandidatët për bashkitë
Partia Socialiste ka mbledhur pasditen e sotme Kryesinë e selisë rozë. Burime për “Panorama.al” bëjnë me dije se në mbledhjen e sotme të Kryesisë pritet të caktohen emrat e kandidatëve për 6 bashkitë ku do të zhvillohen zgjedhjet e pjesshme vendore më 6 mars.
Kujtojmë që tetë ditë më parë presidenti Ilir Meta dekretoi caktimin e 6 marsit për zhvillimin e zgjedhjeve të pjesshme vendore për kryetar bashkie në Shkodër, Dibër, Durrës, Vorë, Rrogozhinë dhe Lushnjë.
Komisioni rregullator në KQZ vendosi që fushata zgjedhore të nis më 17 shkurt dhe të zgjasë më pak se një muaj, për shkak të kohës së shkurtër në dispozicion për respektimin e afateve ligjore.
NDIQE LIVE "PANORAMA TV" © Panorama.al
