Lajm i keq për Bajernin e Mynihut, trajneri Julian Nagelsman rezulton pozitiv me COVID-19. Ndonëse është plotësisht i vaksinuar, ku ka marrë të dyja dozat e vaksinës anti-COVID, tekniku gjerman është prekur nga Koronavirusi dhe është vetë-izoluar në shtëpinë e tij.
Këtë lajm e ka bërë vetë publike klubi bavarez me anë të një komunikate në sajtin e saj zyrtar ku njofton se trajneri Nagelsman është infektuar me SARS-COV-2.
“Pavarësisht se është vaksinuar plotësisht, Julian Nagelsman, trajneri 34-vjeçar i Bajernit të Mynihut, ka rezultuar pozitiv me COVID-19. Ai është duke u rikthyer në Mynih veçmas nga ekipi me ambulancë ajrore dhe do të vetë-izolohet në shtëpi.”
PANORAMASPORT.AL
NDIQE LIVE "PANORAMA TV" © Panorama.al
