U godit gjatë protestës së 8 janarit, Lulzim Basha cakton Roland Bejkon si drejtues politik të Qarkut Gjirokastër

Jan 26, 2022 | 15:14
SHPËRNDAJE

Kryetari i PD-së, Lulzim Basha ka caktuar si Drejtues Politik të qarkut Gjirokastër, anëtarin e Kryesisë së partisë Roland Bejko.

Lajmi është bërë me dije për mediat nga Sekretari i Përgjithshëm i PD-së, Gazment Bardhi.

“Në këtë mënyrë Roland Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku”, thuhet në njoftim.

Kujtojmë që Roland Bejko u godit nga protestuesit e thirrur nga Sali Berisha në protestën e 8 janarit në selinë e Partisë Demokratike.

Në media, Bejko tha ndër të tjera që e kanë goditur “edhe persona nga Veriu që kanë ngrënë bukë në shtëpinë time”.

roland bejko

Njoftimi i plotë

Të nderuar Kryetarë,

Në mbështetje të nenit 33 të Statutit të Partisë, ju informoj se Kryetari i Partisë ka caktuar si Drejtues Politik të qarkut Gjirokastër, anëtarin e Kryesisë së PDSH z. Roland Bejko.

Në këtë mënyrë z. Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku.

Sekretari i Përgjithshëm
Gazment BARDHI

NDIQE LIVE "PANORAMA TV" © Panorama.al

Te lidhura