Derbi Tirana-Partizani po pritet me interes të madhe nga të gjithë, pasi bardheblutë vijnë si kryesues ndërsa ‘’demat’’ janë në një krizë rezultatesh.
Derbi do të luhet ditën e hënë në datën 25 tetor, dhe Tirana do të jetë pritëse. Bardheblutë kanë bërë njoftimin e rëndësishëm duke lajmëruar tifozët se kanë dalë në shitje biletat për ndeshjen. Çmimet variojnë nga 500 deri në 6 mijë lekë të reja në tribunën VIP.
Njoftimi i Tiranës
Dalin në shitje biletat për ndeshjen KF Tirana-FK Partizani e cila do të luhet të Hënën, 25/10/2021, ora 19:45 në stadiumin “Air Albania”. Biletat mund t’i gjeni pranë biletarisë së stadiumit “Selman Stërmasi”, prej orës 10:00-18:00 si edhe online në:
Lutemi që përfitimi i biletave të bëhet në avancë për të shmangur rradhët dhe grumbullimet në pikat e shitjes, për të ruajtur dhe mbrojtur shëndetin e njëri-tjetrit.
Faleminderit!
NDIQE LIVE "PANORAMA TV" © Panorama.al