Vendimi i PS: Tahirit do t’i kontrollohet banesa, ndalesë daljes jashtë Shqipërie

Oct 23, 2017 | 12:05
SHPËRNDAJE

Duke deklaruar votën e tij dhe grupit të PS-së kundër arrestimit të Saimir Tahirit, si një kerkëse që duhet refuzuar dhe e papranueshme, pas letrës së bakallit që e cilësoi ai formulimin e akuzës, kryeministri Rama tha se pret të bëhet drejtësi dhe pret deri në fund që Tahiri të provohet se është i pafajshëm.

Tahiri-me-FNSH-696x464-e1487516463369

Duke iu bashkuar raportit të shumicës te Keshilli i Mandateve, Rama theksoi se grupi i PS-së është dakord dhe do të votojë që deputetit Tahiri t’i kontrollohet banesa dhe ti ndalohet lëvizja jashtë Shqipërisë.

“Pranojmë dhënien e autorizimit për mos daljen jashtë shtetit, detyrimin për t’u paraqitur, garancinë pasurore, kontrollin personal dhe të banesës së Tahirit. Në asnjë rast për asnjë deputet tjetër, nuk do ta kisha kuptuar pranimin e këtyre kërkesave që mbeten ekstrem. Kjo është një cudi e re shqiptare, pasi pyetja a është i pafajshëm Tahiri nuk mund të rrijë pezull”- tha Rama.

 

NDIQE LIVE "PANORAMA TV" © Panorama.al

Te lidhura