Situata te Infektivi, ministria: Katër pacientë në gjendje të rëndë

Mar 28, 2020 | 11:45
SHPËRNDAJE

koronavirus-pacienti-karantina-infektivi-COVID19-Infektivi4

Katër pacientë të prekur me COVID-19 janë në gjendje të rëndë në spitalin Infektiv.

Lajmin e ka bërë me dije Silva Bino e Institutit të Shëndetit Publik sot në përditësimin e të dhënave të fundit.

“Në shërbimin infektiv aktualisht janë 74 të shtruar dhe prej tyre 4 janë në terapi intensive. Pjesa tjetër e të shtruarve në pavion janë në gjendje të stabilizuar deri në këto momente”, tha Bino.

Në 24 orët e fundit janë testuar 79 persona të dyshuar, prej të cilëve janë konfirmuar 11 raste të reja me COVID-19.

Deri në këto momente janë testuar 1325 raste të dyshuara dhe prej tyre janë të konfirmuar pozitivë me COVID-19, 197 raste.

Gjatë 24 orëve të fundit kanë ndërruar jetë dy pacientë në spitalin Infektiv, një 67 vjecar nga Tirana dhe një 72-vjecare nga Vlora.

NDIQE LIVE "PANORAMA TV" © Panorama.al

Te lidhura