UPDATE/ KPA ka shtyre seancen per ish-prokuroren Rovena Gashi, pasi nuk eshte pranuar zgjedhja e saj, per te pasur Ema Gashin, te motren, si ndihmese ligjore ne kete porces.
Seanca e radhes do te zhvillohet me date 23 prill.
***
Del para Kolegjit të Posaçëm të Apelimit, ish-prokurorja Rovena Gashi, e cila kërkon të rikthehet në detyrë. Ajo ka vendosur që mbrojtjen e saj t’ja besojë së motrës Ema Gashit.
“Nuk jemi njoftuar që do ishte ky vëzhguesi ndërkombëtar i ONM (Theo Xhacobs) që do merrte sot pjesë në këtë seancë”, – tha Ema Gashi.
Por tre anëtaret e KPA-së i kujtuan zonjës Gashi se pritet të ketë një vendim nëse do pranohet apo jo si ndihmëse e së motrës, Rovenës (subjekt i rivlerësimit).
Sakaq, trupi gjykues është tërhequr për të marrë vendimin.
Prokurorja e Prokurorisë së Përgjithshme e cila në fakt, është e pezulluar për shkak të një procesi penal është e para që hapi një betejë me Komisionin e Vettingut, ku në seancën dëgjimore e konsideroi vendimin e saj të paragjykuar dhe të ndërmarrë muaj më parë, atëherë kur ishin dërguar pyetjet e para nga Komisionin i Vetingut. Dhe tani që mori verdiktin e shkarkimit, Rovena Gashi ka kohë të merret me një çështje tjetër, të cilën e ka dërguar në Strasburg ku kundërshton shtetin shqiptar për procedurat se si ajo u pezullua nga detyra.
E njohur ndryshe si ish krahu i djathtë i Adriatik Lallës, Rovena Gashi e ka filluar karrierën në Prokurori në vitin 2004. Ajo ka punuar si prokurore në Tiranë nga viti 2004 deri në vitin 2013, kur u emërua në krye të Drejtorisë së Marrëdhënieve Juridiksionale me Jashtë në Prokurorinë e Përgjithshme.
Gashi e mbajti këtë detyrë deri në fund të dhjetorit 2017, kur kryeprokurorja e re Arta Marku e uli në detyrë. Ndërsa në maj 2018, Prokuroria regjistroi procedimin penal ndaj saj dhe bashkëshortit Dritan Gina, të cilët po hetohen për pasurinë e tyre, ndërkohë që Marku i pezulloi të dy nga detyra.
Gashi u bë pjesë e listës prioritare të vetingut përpara telasheve me pasurinë, për shkak të kandidimit të saj për Këshillin e Lartë të Prokurorisë dhe për Gjykatën e Lartë.
NDIQE LIVE "PANORAMA TV" © Panorama.al
