Shkon në 11.591 numri i personave që kanë humbur jetën nga koronavirusi në Itali.
Të dhënat e fundit nga Mbrojtja Civile tregojnë se në 24 orët e fundit humbën jetën 812 persona, ndërsa të dielën shifra e viktimave u raportua 756, shkruan “Repubblica“.
Në total janë 75.528 pacientë të infektuar me koronavirus në vend, dhe në 24 orët e fundit u shtuan 1.648 persona të infektuar.
Shifrat e të shëruarve gjithashtu u rritën.
14.620 ka shkuar në total numri i personave të shëruar në Itali, 1.590 vetëm në 24 orët e fundit.
