Shefja e Departamentit të Sëmundjeve Infektive në Institutin e Shëndetit Publik, Silva Bino është infektuar nga koronavirusi.
Burime për “Panorama” bëjnë me dije se ajo është shtruar në spital ditën e premte për shkak të temperaturës së lartë.
Gjendja e saj sipas burimeve, paraqiten aktualisht e stabilizuar. Zonja Bino është edhe anëtare e Task Forcës anti-covid.
Zonja Bino ka qenë aktive prej muajsh pas përhapjes së koronavirusit. Ajo ka bërë apel vazhdimisht për marrjen e masave.
Gjatë muajit gusht, ajo tha se planifikohen rreth 400 mijë vaksinave të gripit, që do iu bëhen grupeve të riskut, duke filluar nga muaji shtator.
Ajo bëri me dije më 9 mars, edhe atë që konsiderohet pacienti “zero” në vend, nga i cili nis infektimi i personave të tjerë. Bino konfirmoi se bëhej fjalë për një 28 vjeçar i ardhur nga Italia më 26 shkurt.
“Kemi një rast të importuar, ky quhet pacienti zero, i cili ka hyrë në vendin tonë. E kemi të qartë rrugën që ka ndjekur dhe kontaktet që ka pasur. Kontakti më i ngushtë është i ati, edhe ai i infektuar. Vijojmë gjurmimin e kontakteve të dyta apo të treta të tij, që mund të jenë prekur”, theksoi ajo atëherë.
NDIQE LIVE "PANORAMA TV" © Panorama.al