Kryeministri Edi Rama ka reaguar lidhur me protestat e banorëve të “Unazës së Re” në kryeqytet.
Në një postim në Twitter, kreu i qeverisë shkruan: “Qysh nga prishja e parë masive në Parkun Rinia, u desh të kalonin mbi 15 vjet prishje për interes publik, që të protestohet me kërkesën për dëmshpërblim për ndërtimet pa leje në shtratin e rrugës! E dini pse”?
“Kjo s’thuhet me një tweet, meriton një shtjellim të plotë para Kuvendit”!, shton kreu i qeverisë, duke paralajmëruar një fjalim për çështjen, në seancën e radhës plenare, që do të zhvillohet të enjten e 22 nëntorit.
Më herët, kryeministri ka deklaruar se banorët, banesat e të cilëve janë të legalizuara dhe preken nga ndërtimi i projektit të “Unazës së Madhe”, do marrin dëmshpërblim sipas ligjit. Ndërsa për të tjerët, të cilët nuk i kanë banesat e legalizuara, do jepet bonus qiraje për 3 vite.
/Panorama/
NDIQE LIVE "PANORAMA TV" © Panorama.al