Një person është plagosur me armë zjarri. Ngjarja ka ndodhur mesditën e sotme në Milot në rrethana ende të paqarta.
Sipas policisë i plagosur ka mbetur Ylli Ibrahimi 45 vjeç, i cili është transportuar në spital dhe ndodhet nën kujdesin mjekësor
“Rreth orës 12:10, në Milot,Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes”,sqaron policia.
Shërbimet e Policisë Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
NDIQE LIVE "PANORAMA TV" © Panorama.al
