Artan Shkëmbi është pezulluar nga detyra e Drejtorit në Drejtorinë Qendrore, në departamentin e Policisë Kriminale në Drejtorinë e Përgjithshme të Policisë së Shtetit.
Artan Shkëmbi ishte kreu i Operacionit Forca e Ligjit.
Burime për “Panorama” bëjnë të ditur se urdhri për pezullimin e tij nga detyra mban firmën e drejtorit të përgjithshëm Ardi Veliu.
Mesohet se Shkëmbi është pezulluar pas vendimit të Gjykatës Kundër Korrupsionit dhe Krimit të Organizuar, me kërkesë të SPAK.
Po ashtu mësohet se ish-kreu i OFL është në hetim për korrupsion dhe nxjerrje te sekretit hetimor.
Pak muaj më parë, Artan Shkëmbi kaloi me sukses procesin e Vettingut në polici duke qenë i pastër në të tri kriteret e vlerësimit, atë të pasurisë, pastërtisë së figurës dhe anës profesionale.
NDIQE LIVE "PANORAMA TV" © Panorama.al