Parlamenti Evropian miraton raportin për t’i dhënë statusin e vendit kandidat në BE Ukrainës dhe Moldavisë

Jun 23, 2022 | 12:26
SHPËRNDAJE

Parlamenti Evropian ka miratuar me 529 pro, 45 kundër dhe 14 abstenim raportin në të cilin kërkon t’i jepet menjëherë statusi i vendit kandidat në BE për Ukrainën dhe Moldavinë.

parlamenti evropian shqiperia negociata

Raporti tregon gjithashtu vullnetin e Dhomës për t’i dhënë status Gjeorgjisë, pasi të jenë përfunduar reformat e nevojshme.

Deputetët pohojnë se “në kontekstin e luftës brutale ruse të agresionit kundër Ukrainës, kjo zgjedhje do të tregonte lidership, vendosmëri dhe largpamësi”, por theksojnë “se nuk ka procedurë të përshpejtuar për anëtarësimin në BE” dhe se kjo mbetet “një strukturuar e bazuar në meritë.”

Ukraina po pret dritën jeshile të njëzet e shtatë, të mbledhur sot dhe nesër në Bruksel, për vërtetimin e statusit të saj si kandidat për në Bashkimin Evropian, pothuajse katër muaj pas pushtimit rus në territorin e saj.

“Ne presim dritën jeshile”, tha kreu i administratës presidenciale të Ukrainës, Andrei Yermak, duke kujtuar se “objektivi i qartë është anëtarësimi i plotë në BE”, një procedurë që megjithatë mund të zgjasë disa vjet.

© Panorama.al

Te lidhura