Me arrestimin e një 41-vjeçari për kanosje dhe dhunë në familje, Policia e Shkodrës ka parandaluar një ngjarje të rëndë kriminale.
Policia bën me dije se në pranga ka rënë shtetasin K. Z. 41 vjeç, banues në lagjen “Tre Heronjtë”.
Burri kishte kanosur me mjet prerës (thikë) bashkëshorten e tij, shtetasen F. Z., 38 vjeçe, ndërsa gjatë aksionit për arrestimin e tij policia sekuestroi thikën, me të cilën ka kanosur bashkëshorten.
Njoftimi i policise:
Parandalohet një ngjarje e rëndë kriminale brenda familjes, falë reagimit të shpejtë nga Policia.
Arrestohet në flagrancë një 41-vjeçar, për kanosje dhe dhunë në familje.
Sekuestrohet një mjet prerës (thikë), me të cilën ka kanosur bashkëshorten.
Nga shërbimet e Komisariatit të Policisë Shkodër, falë reagimit të shpejtë dhe ndërhyrjes në kohë, u bë arrestimi në flagrancë i shtetasit K. Z. 41 vjeç, banues në lagjen “Tre Heronjtë”, Shkodër.
Arrestimi i tij u bë, pasi në banesë ka ushtruar dhunë fizike, si dhe ka kanosur me mjet prerës (thikë) bashkëshorten e tij, shtetasen F. Z., 38 vjeçe.
Në cilësinë e provës materiale u sekuestrua thika me të cilën ka kanosur bashkëshorten.
Materialet iu referuan Prokurorisë pranë Gjykatës së Shkallës së Parë Shkodër, për veprat penale Dhuna në familje”, “Kanosja” dhe “Mbajtja pa leje e armëve të ftohta”.
NDIQE LIVE "PANORAMA TV" © Panorama.al
