Tre persona nga Gjirokastra dhe një tjetër nga Përmeti të dënuar për trafik droge, prodhim dhe kultivim kanabisi, janë personazhet e radhës që kanë marrë letër nga “Forca e Ligjit” për të deklaruar pasurinë.
Policia tha dje se në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL-ja i ka nisur kërkesat me shkrim për vetëdeklarimin e burimeve të pasurisë, shtetasve: Niko Qëndri, banues në Përmet, i dënuar për veprën penale “Trafikimi i narkotikëve”; Çimi (Ndriçim) Ibrahimi, banues në Gjirokastër, i dënuar për veprën penale “Trafikimi i narkotikëve”; Avdul Avduli, banues në Gjirokastër, i dënuar për veprat penale “Prodhimi dhe shitja e narkotikëve” dhe “Kultivimi i bimëve narkotike”; Ermal Ndreu, banues në Gjirokastër, i dënuar për veprën penale “Trafikimi i narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orëve, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
“OFL-ja është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL-ja do të informojë publikun në vijimësi për të gjitha nismat procedurale dhe operacionet ekzekutive që do të kryejë”, tha dje zyrtarisht Policia e Shtetit.
Ndërkohë të hënën, ish-kryetari i PS-së, i dënuar për vrasje, si pjesëtar i “bandës së Cërrikut”, Llazar Bicja, ndonëse person në kërkim, ishte personazhi i radhës që mori letër nga OFL-ja për të deklaruar pasurinë.
Përveç tij, “Forca e Ligjit” i ka dërguar formularin edhe Bledar Ibrahimit nga Elbasni, i dyshuar për terrorizëm, për të cilin Gjykata e Milanos ka vendosur masën e sigurisë “Arrest me burg”.
Njoftimi i policisë
Niko Qëndri banues në Përmet, i dënuar për veprën penale “Trafikimi i narkotikëve”;
Çimi (Ndriçim) Ibrahimi banues në Gjirokastër, i dënuar për veprën penale “Trafikimi i narkotikëve”;
Avdul Avduli banues në Gjirokastër, i dënuar për veprat penale “Prodhimi dhe shitja e narkotikëve” dhe “Kultivimi i bimëve narkotike”;
Ermal Ndreu banues në Gjirokastër, i dënuar për veprën penale “Trafikimi i narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
NDIQE LIVE "PANORAMA TV" © Panorama.al