Ka mbërritur në morgun e Tiranës, trupi i pajetë i Kostandinos Kaçifas, i cili humbi jetën të dielën gjatë një shkëmbimi zjarri me forcat RENEA në Bularat të Gjirokastrës.
***
Niset drejt Tiranës trupi i pajetë i Kaçifas, me kërkesë të Krimeve të Rënda
Prokuroria e Krimeve të Rënda ka kërkuar që trupi i pajetë i Kostandinos Kaçifas, të sillet në morgun e Tiranës për ekzaminime të detajuara.
Mësohet se trupi i viktimës është nisur drejt kryeqytetit, pasi ekspertiza do të kryhet nga mjekësia ligjore qendrore.
Kërkesa e Krimeve të Rënda erdhi tre ditë pas vrasjes së 35 vjeçarit, familjarët e të cilit refuzuan deri në orën 16:00 të së martës që ta tërheqin trupin, pasi kërkonin ekspertizë greke.