Ndahet nga jeta aktori i njohur shqiptar, Andon Qesari. Postimi prekës i të birit

| 11:57
SHPËRNDAJE

pjimage (2)

Aktori i njohur shqiptar Andon Qesari është ndarë sot nga jeta në moshën 78-vjeçare. Ai u nda nga jeta mëngjesin e të shtunë, më 13 shkurt, pas një sëmundje të gjatë, e cila e kishte rënduar shumë në vitin e fundit.

Lajmin e ka bere me dije djali i tij, Edon Qesari ne nje postim ne rrjetet sociale, ku shkruan:

Të dashur miq e të njohur,

Sot në mëngjes, pas një sëmundje të gjatë, e cila e kishte rënduar dhe sfilitur shumë në vitin e fundit, i dashuri babai im ANDON QESARI u nda nga jeta në moshën 78-vjeçare.

Dashuria e Tij e pamat për ne, familjarët dhe njerëzit e tij të afërt, përpjekjet për të na dhënë një jetë me dinjitet dhe begati, pasioni i vyer artistik që e shoqëroi gjatë gjithë jetës dhe shënoi një karrierë të paharrueshme në teatrin shqiptar dhe studimin e artit, humori i hollë që e spikaste, janë trashëgimi më i çmuar që na la.

Të dua Ba’ dhe mirupafshim në një jetë më të mirë…

andon qesari

JETESHKRIMI

Andon Qesari, lindi në Qeparo më 27 qershor 1942. Aktor dhe regjisor shqiptar, më 1966 u diplomua për aktor në shkollën “Aleksandër Moisiu”. Pas diplomimit emërohet aktor në teatrin profesionist të Vlorës. Në vitin 1972, kalon pedagog në ILA. Në vitin 1975 rifillon aktivitetin e tij artistik si aktor, por në Teatrin Kombëtar.

Ka interpretuar shumë role, duke filluar nga Besniku “Shënomëni dhe mua”, Feni “Furnalta”.

Emërohet përfundimisht aktor i TK në 1977.

Realizoi më vonë Vurmi “Intrigë dhe dashuri”, Qamil Beu “Epoka para gjyqit”, Aleksi “Doktori pacient”, Luixhi “Tragjedia e Deas”, Zeusi “Prometeu”, At Kormili “Monserati”, Kryetari “Vizita e damës plakë”, Ksanthi “Ezopi”, Komisari “Opertunesku” “Kapuleti” “Romeo e Zhulieta”, Berlingu “Vizita e inspektorit”, Konti “Fernando Krafi më ka shkruar një letër”, etj. Ka interpretuar edhe në disa filma artistikë.

I suksesshëm edhe si regjisor: “Karnavalet e Korçës”, “Pallati 176”, “Nën dritat e skenës”, “Në jetë”, “Valsi i Titanikut”, etj. Është nderuar me titullin “Artist i Merituar”.

Veprimtaria Regjisoriale

Karnavalet e Korçës
Pallati 176
Nën dritat e skenës
Në jetë
Valsi i Titanikut

Filmografia
2007—Sekretet……………………………………………………………….Dekoruesi

1996—Tingujt i harresës………………………………………………………

1994—Dashuria e fundit………………………………………………………Shefi i policisë

1990—Inxhinieri i minierës……………………………………………………Drejtori

1989—Kthimi i ushtrisë së vdekur…………………………………………….Ministri i Luftës

1988—Stolat në park………………………………………………………….Regjisori

1987—Bota e padukshme……………………………………………………..Zv/Ministri

1987—Në emër të lirisë……………………………………………………….Syrjai

1987—Tela për violinë………………………………………………………..Doktor Kozmai

1984—Fushë e blertë fushë e kuqe………………………………………………

1983—Fraktura……………………………………………………………….Nëpunësi

1980—Dëshmorët e monumenteve……………………………………………Hesler,kapiteni Austriak

1977—Ata ishin katër…………………………………………………….Bilali, Komandanti i Shtabit Partizan

1976—Pylli i lirisë……………………………………………………………..Një nga dy ballistët

1975—Në fillim të verës………………………………………………………Shefi i Policisë Sekrete Fashiste

1967—Ngadhënjim mbi vdekjen………………………………………………Skënderi

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.