Një aksident i rëndë ka ndodhur në aksin rrugor Memaliaj-Krahës ku një kalimtare 38-vjeçare është përplasur nga një automjet tip “Toyota”.
E dëmtuara është transportuar me urgjencë drejt spitalit të Gjirokastrës, ndërkohë që është bërë shoqëruesi i drejtuesit të mjetit në komisariat.
Policia dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.
Memaliaj/Informacion paraprak
Rreth orës 17:15, në aksin nacional Memaliaj-Krahës, në vendin e quajtur “Krahës”, shtetasi A. H., 31 vjeç, banues në fshatin Toç, Memaliaj, duke drejtuar automjetin tip “Toyota”, ka aksidentuar shtetasen E. K., 37 vjeçe, këmbësore në rrugë, e cila u transportua për në spitalin Rajonal Gjirokastër, për të marrë ndihmën mjekësore.
Drejtuesi i automjetit u shoqërua nga shërbimet e policisë, për kryerjen veprimeve të mëtejshme procedurale.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
NDIQE LIVE "PANORAMA TV" © Panorama.al