Një aksident i rëndë ka ndodhur pasditen e kësaj të shtune në qytetin e Durrësit, ku një fëmijë 3-vjeçar është përplasur nga një automjet.
Ngjarja ka ndodhur në aksin “Maminas-Marikaj”, rreth orës 17:40. Bëhet me dije se i mituri është transportuar me urgjencë në spital, ku po merr kujdesin e nevojshëm mjekësor.
Ndërkohë që policia ka bërë shoqërimin në komisariat të drejtuesit të mjetit për veprime të mëtejshme, deri në zbardhjen e rrethanave të aksidentit.
NJOFTIMI I PLOTË
Durrës – Rreth orës 17:40, në aksin rrugor “Maminas-Marikaj”, automjeti me drejtues shtetasin R. B., 43 vjeç, ka përplasur një të mitur 3 vjeç.
I mituri ndodhet nën kujdesin e mjekëve, ndërsa drejtuesi i automjetit u shoqërua në ambientet e DVP Durrës, për veprime të mëtejshme.
Grupi hetimor vijon punën për sqarimin e rrethanave të aksidentit.
NDIQE LIVE "PANORAMA TV" © Panorama.al
