Kur do ketë rritje pensionesh? Rama: Ju lutem mos e quani premtim, sot mund t’ju jap vetëm fjalën. Do të varet nga…

Sep 16, 2021 | 11:15
SHPËRNDAJE

Kryeministri Edi Rama është angazhuar për rritje të pensioneve në gjysmën e dytë të mandatit të tretë qeverisës.

Shefi i qeverisë u kujdes të nënvizonte që ku nuk është një premtim. Por rritja e pensioneve do të varet nga ecuria e përgjithshme e reformave dhe ecuria e ekonomisë në gjysmën e parë të mandatit.

Deklarata e Kryeministrit Edi Rama për pensionet:

“Dua t’u them gjithë gjyshërve e gjysheve se një plan i varur nga ecuria e përgjithshme e reformave dhe ecuria e ekonomisë në gjysmën e parë të mandatit, është në tryezën tonë e do jetë padiskutim dita më e bukur e jetës sime publike politike të marr dot shpërblim buzëqeshjen e tyre të bekuar duke e vënë në veprim planin për një rritje domethënëse të pensioneve.

E sot mund të jap vetëm fjalën që do e mbaj në mendje cdo ditë marrjen e atij shpërblimi të shenjtë, por ju lutem mos e quani premtim vetëm angazhim solemn për të bërë gjithçka është e mundur për këtë premtim të munguar.

S’kisha pse i hapja punë vetes për një gjë kaq të madhe po të mos besoja se kjo është dicka që ia vlen për të bërë maksimumin”.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/