Kryeministri Edi Rama ka folur sot për një parti të re kur përmendi protestat dhe mbledhjen e firmave nga Aleanca për Mbrojtjen e Teatrit. Këto protesta tha Rama kanë bërë që shifrat e të infektuarve ditët e fundit në Tiranë të jenë të larta.
“Ky është komunikimi i fundit ekskluziv për luftën që zhvilluam bashkë deri këtu me atë që botërisht u quajt armiku i padukshëm, dëgjojeni mirë as ka ikur e as është mundur përfundimisht virusi.
Numrat në Tiranë nuk po flasin mirë, shfaqjet politike me turma rrugëve të vendit pa asnjë masë mbrojtëse por me një karshillëk që flet për papërgjegjshmëri në rastin më të mitë e dritëshkurtësi në rastin më të keq, po vazhdojmë edhe përtej të tretave të karakatinës të teatrit kombëtar…sa për të mbledhur firma nga pseudoaktorët e Teatrit që janë në funksion të një partie të re, si dhe për bizneset që me demek nuk kanë marrë asnjë kacidhe…, që janë marioneta politike në funksion të një lëvizje për parti të re… po luhet me zjarrin e shëndetin e popullit,
bëni kujdes o njerëz, kujdes se s’ju vjen asgjë e keqe nga meraku e kujdesi im”.
