UPDATE/ Kryetari i Komisionit Hetimor për Zgjedhjet e 25 prillit është përplasur këtë të mërkurë me Lefterije Luzi (Lleshin) ish-kryetaren e KQZ-së, e cila aktualisht është drejtoresha e shërbimit në Parlament. Kjo e fundit kërkoi që opozita të mos vijonte punimet e Homisionit Hetimor, pasi mazhoranca u largua nga mbledhja.
Ndërkohë që Kryetari Enkelejd Alibeaj e paralajmëroi Lefterije Luzin dhe administratën se po shkelte ligjin dhe se do të depozitonte kallëzim penal ndaj saj.Lefterije Lleshi e akuzoi gjithashtu Alibejan duke i thënë ‘je ti i pari që po shkel ligjin’.
Në këtë mënyrë Alibeaj kërkoi ndërhyrjen e Gardës duke iu drejtur me fjalët : ‘Nxirreni jashtë zonjën’.
KUSH ESHTE LEFTERIJE LESHI LUZI! SI U HAKMOR PD-ja
Lefterje Lleshi Luzi ka qenë më herët kryetare e Komisionit Qendror të Zgjedhjeve. Ajo ka marrë këtë funksion vite më parë si propozim i Partisë Demokratike dhe ka qenë ndër njerëzit më të afërt të Jozefina Topallit, por disa vite më pas ajo është sulmuar nga demokratët.
Lefterije Lleshi Luzi nuk u konfirmua në KQZ për një mandat të ri pasi u skualifikua po nga PD në vitin 2017 nga lista e kandidatëve për garën e kreut të KQZ-së. Ky post iu besua asokohe Klement Zgurit.
Ndërkohë që pas kësaj ajo u emërua në Kuvend si Drejtoreshë e Komisioneve Parlamentare nga ish-kryetari i Kuvendit, Ilir Meta.
Lefterie Luzi Lleshi ka garuar për të qenë pjesë edhe në institucionet e reja të drejtësisë, por emri i saj nuk ka marrë mbështetjen e socialistëve dhe as të demokratëve.
Pjesë nga debati
Lefterije Lleshi: Unë jam administrata
Enkelejd Alibeaj: Do ketë kallëzim penal
Lefterije Lleshi: Jam administrata
Enkelejd Alibeaj: Zonjë je duke shkelur totalisht ligjin
Lefterije Lleshi: Jeni ju i pari që po shkelni ligjin
Enkelejd Alibeaj: Ju lutem zonjen nxirreni nga ambientet e salles se brendshme, Garda, zoterinj, ju lutem nxirreni perjashta zonjen ne fjale. Garda te lutem
***
Hetimi i zgjedhjeve të 25 prillit/ Maxhoranca largohet nga Komisioni, demokratët vijojnë punimet! Bardhi: Nuk dinë se çfarë kërkojnë
Maxhoranca është larguar sërish nga mbledhja e Komisionit Hetimor Parlamentar për zgjedhjet e 25 prillit.
Socialistët në Komisionin Hetimor të drejtuar nga zv.kryetari Toni Gogu kanë kërkuar 5 minuta pushim dhe janë larguar nga salla, ndërkohë që demokratët kanë vijuar mbledhjen.
Gazetari i Panorama, Kelment Baçi raporton se socialistët janë mbledhur në një sallë tjetër për të diskutuar mes tyre për aksionin politik, ndërkohë që demokratët vijojnë punimet e komisionit hetimor. Më herët kur anëtarët e PS janë larguar nga mbledhja, sekretari i Përgjithshëm i PD, Gazment Bardhi është shprehur se këta të fundit nuk dinë se çfarë kërkojnë.
Më herët mbledhja e radhës e Komisionit hetimor për zgjedhjet e 25 prillit u shoqërua debate mes deputetëve anëtarë, lidhur me rregulloren e komisionit dhe zgjedhjen e Sekretarit të tij.
Zv.kryetari socialist Toni Gogu i kërkoi kryetarit demokrat Enkelejd Alibeaj të “mbledhë veten dhe të vëjë rregull” në punimet e komisionit, por Alibeaj iu përgjigj së “nuk kam fuqi të mbinatyrshme t’u mbledh dot ju’.
Toni Gogu: T’i kthehemi logjikës së ligjit, mblidhni veten dhe vini rregull e rend në punimet e këtij komisioni, se nuk mundet që të na pegnoni të ushtrojmë të drejtën e votimit të rendit të ditës. Mblidhni veten e vini rregull se s’mund të na pengoni për zgjedhjen e sekretarit të këtij komisioni. Mblidhni veten se s’mund të na ndaloni të hartojmë e votojmë së bashku rregulloren e brendshme.
Duhet me urgjencë të mblidhini veten e të nisni më në fund të drejtoni me maturi nëse duam vërtët që hetimi i zgjedhjeve të bëhet realitet dhe jo shou politik nga ato që argëtojnë mbrëmjeve, nevojitet drejtim i matur nga ju kryetar.
Alibeaj: Cila ishte kërkesa për procedurë?
Toni Gogu: Të hidhni në votim rendin e ditës, brenda rendit të jetë zgjedhja e sekretarit nga radhët dhe të hartojmë e miratojmë rregulloren e brendshme të këtij komisioni.
Alibeaj: Ka folës kundër?
Gazment Bardhi: Kërkesa e bërë nga kolegu është e përsëritur dhe është ezauruar në 3 mbledhje. Ne kemi ardhur të përgatitur për këtë rend dite që na ka njoftuar kryetari. Sa i përket rregullores ka një draft, kemi kaluar fazën e miratimit në parim.
Bardhyl Kollcaku: Shkelim rregullorn, bëjmë lojëra fjalësh e nuk prodhojmë asgjë, vullneti i shumicës dhe pakicës ka qenë i plotë kur u votua komisioni hetimor ne jemi këtu për të kontribuar në mënyrë shumë serioze, si ka mundësi që të shkelet ligji nuk zgjidhet sekretari?
(Nderhyhet) Mos fol kur flas unë mos fol e ke pasur 3 herë në rend dite, nuk të kam ndërprerë, është kërkesa e parë e ligjit, kush është mbledhja e parë sot apo para 10 ditësh? Ku është procesverbali i mbledhjes së kaluar? Ju lutem drejtojeni këtë komision si e ka ligji. Rregullorja jo e miratuar në parim kur kanë qenë 7 vota pro e 7 kundër? Apo është vota e kryetarit e numëruar për dy? Ku është parë kjo?
Petrit Vasili: Referimet e ligjit janë shumë të qarta, nëse ka një njeri që nuk kupton që mbledhjet i drejton kryetari dhe me autorizimin e tij e drejton zv kryetari, është problem që s’kemi ku shkojmë më tutje.
S’kemi kohë të përdoret koha e mbledhjes për alibitë e bojkotit që bën mazhoranca nëse ikin është vendimi i tyre politik por nuk vijmë dot këtu që ky vendim politkk që ishte i trashë e i gabuar të na e shesin si procedurë.
E zeza mbi të bardhë është thënë, dhe këtu nën pjesën e parë që dëgjuam kishte dhe kamera ndaj ishte goxha e ndezur madje duhej njotuar që në momentin që ikin kamerat të kthehemi në normalitet
Le ta thonë qartë që nuk duan ta vazhdojnë edhe këtë mbledhje e të vazhdojmë se kemi edhe punë të tjera. Meqë ka pasur një dëshirë të paparë për të pasur vetëpërmbajtje dhe kur përdoren figuracione të caktuara në fjalë që kanë konotacion fyes duhet të evitohen aq më shumë nga ata që predikojnë shumë më shumë për një gjuhë të tilëm se vetëpërmbajtja është reciproke.
Alibeaj: Pranoj plotësisht ftesën e zv kryetarit Toni Gogut për tone të qeta, vetëfrenim e për të vendosur në plan të parë interesin e këtij komisioni. Që të ecim një orë e më parë me këtë hetim.
Për pretendimet më bëtë thirrje të mbledh veten, unë jam i mbledhur këtu, kam qenë i mbledhur të treja këto mbledhje por nuk ju mbledh dot juve, nuk ju mbodha dot në 20 tetor që kishin caktuar datën dhe orën, se ikët në mbledhjen e mëparshme, ikët pa arsye, se kishin filluar votimin në parim e kaluam, nuk kam ndonjë fuqi tëë mbinatyrshme për t’u mbledhur.
NDIQE LIVE "PANORAMA TV" © Panorama.al
