Një 11 vjeçar i ka shpëtuar për mrekulli aksidentit të ndodhur sot në fshatin Suk 1, në Fier. Policia njofton se rreth orës 11:45 djali me inicialet E.V., i cili ka qenë duke udhëtuar me biçikletë është përplasur nga një mjet tip “Iveko”, me drejtues shtetasin A.M.
Pas goditjes i mituri është përplasur me një makinë tip “Audi”, që ka qenë e parkuar në krah të rrugës.
Mësohet se i mituri është transportuar në spitalin Rajonal të Fierit, nën kujdesin e mjekëve.
Drejtuesi i mjetit është shoqëruar në Komisariatin e Policisë Fier dhe po kryhen veprimet hetimore për zbardhjen e plotë të ngjarjes.
Informacion paraprak i Policisë së Fierit
Sot rreth orës 11:45, në fshati Suk 1, Roskovec, mjeti tip “Iveko”, me drejtues shtetasin A.M ,ka aksidentuar shtetasin e mitur me iniciale E.V. 11 vjeç, banues në Roskovec, i cili po udhëtonte me biçikletë dhe më pas ka goditur një automjet tip “Audi”, i cili ishte i parkuar në anë të rrugës.
Shtetasi E.V, ndodhet në Spitalin Rajonal Fier, nën kujdesin e mjekëve.
Është shoqëruar në Komisariatin e Policisë Fier shtetasi A.M dhe po kryhen veprimet hetimore për zbardhjen e plotë të ngjarjes.
