Falsifikimi i dokumenteve për pronat/ Arrestohet biznesmeni i njohur

| 14:37
SHPËRNDAJE
 

Arrestohet biznesmeni i njohur nga Vlora, Pëllumb Petritaj. Burime zyrtare nga Policia e Vlorës bënë me dije se arrestimi i tij erdhi në zbatim të një mase sigurimi personal arrest me burg, kërkuar nga Prokuroria e Rrethit dhe miratuar nga Gjykata një ditë më parë.

pellumb petrikaj

Sipas hetimeve, dyshohet se Pëllumb Petritaj  ka falsifikuar dokumentacionin e origjinës në lidhje me një sipërfaqe toke prej 100 Ha në zonën e Zvernecit. Ai akuzohet për dy vepra penale  ‘Falsifikimi i dokumentave’ dhe ‘Pastrimi i produkteve të veprës penale’.

vlora-1-600x400

“Seksioni i Krimit Ekonomik e Financiar pranë DVP Vlorë, ka bërë ndalimin e shtetasit: Pëllumb Petritaj, 54 vjeç, banues në Vlorë. Shërbimet e Policisë kanë bërë ndalimin e tij pasi ky shtetas dyshohet të jetë autorë i kryerjes së veprave penale ‘Falsifikimi i dokumentave’ dhe ‘Pastrimi i produkteve të veprës penale’, të parashikuara nga nenet 186/2 dhe 287/3 të Kodit Penal. Nga hetimet e kryera, dyshohet se Pëllumb Petritaj  ka falsifikuar dokumentacionin e origjinës në lidhje me një sipërfaqe toke prej 100 Ha në zonën e Zvernecit. Për këto vepra penale, mbi bazën e Vendimit Penal nr.1777, datë 09.10.2018, Gjykata e Shkallës së Parë Vlorë i ka caktuar masën e sigurisë ‘Arrest në burg'”, thuhet në njoftimin zyrtar të Policisë.

PANORAMA

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.