Një aksident i rëndë ka ndodhur mbrëmjen e sotme në Vlorë, ku si pasojë ka ndërruar jetë një person rreth moshës 70-vjeçare.
Sipas policisë së Vlorës, rreth orës 19:00, në rrugën “Transballkanike” pranë stacionit të trenit ka ndodhur një aksident rrugorë me pasojë.
Automjeti tip BMV me targë AA 708 OU, ka përplasur një këmbësor të moshuar, i identifikuar si Guri Maliqi, 83 vjeç, banues në lagjen “24 Maji”, i cili për shkak të dëmtimeve të rënda në trup ka ndërruar jetë në Spitalin Rajonal Vlorë.
Drejtuesi i mjetit shtetasi O. I, 27 vjeç, banues në Vlorë, po shoqërohet në Komisariatin pranë DVP Vlorë për veprime të mëtejshme në lidhje me arrestimin e tij.
Grupi hetimor ndodhet në vendin e ngjarjes duke kryer hetimet në lidhje me sqarimin e rrethanave.
