Një aksident i rëndë me pasojë vdekjen e një personi ka ndodhur sot në mesditë në Orikum.
Një makinë ka dalë nga rruga dhe ka përfunduar në kanal, e për pasojë, shoferi ka humbur jetën në vend.
Policia ka nisur hetimet për zbardhjen e shkaqeve të aksidentit.
Vlorë/ Informacion paraprak
Rreth orës 12:10, në Orikum, në aksin rrugor kryesor si pasojë e humbjes së kontrollit ka dalë nga rruga automjeti tip Ford dhe ka rënë në një kanal.
Si pasojë është dëmtuar rëndë drejtuesi i mjetit shtetasi H. K., 65 vjeç, banues në Orikum, i cili ka ndërruar jetë në vend.
Grupi hetimor po kryen veprimet e mëtejshme për sqarimin e rrethanave të akaidentit.
NDIQE LIVE "PANORAMA TV" © Panorama.al
