Bashkëkryetari i Reformës Zgjedhore, Damian Gjiknuri në një prononcim për mediat, pas tryezës së takimit me bashkëkryetaren Rudina Hajdari dhe dy të mandatuarit e opozitës, Oerd Bylykbashi dhe Petrit Vasili la të hapur mundësinë për një dialog përtej reformës, por kjo mbetet për t’u parë.
Gjiknuri e vë theksin tek përfshirja e opozitës jashtëparlamentare në Komision, ndërsa i pyetur për kthimin e opozitës në Kuvend tha se nuke di se si mund të ndodhë kjo.
Prononcimi i Gjiknurit:
Gjiknuri: Opozita jashtëparlamentare të përfshihet në komision, me qëllim arritjen e një produkti të dakordësuar. Ne do të përpiqemi të punojmë me konsensus me ndihmën e ODIHR që do i kërkojmë të vijnë në Tiranë, që të adresohen çështjet ku palët ndahen. Me pak fjalë është ajo që kemi nisur dhe ajo që kemi thënë me kohë.
Komisioni i reformës nuk funksion me?
Gjiknuri: Komisioni funksionon pasi gjithë diskutimet bëhen në të, po të shikoni edhe dokumentin çdo draft miratohet në komision, ai vazhdon të funksionojë, por në vendimin e kuvend ka klauzolë, opozita ka një vend që nuk e kishte shfrytëzuar, gjetëm një modalitet për ta përfshirë.
Ishte imponim kjo?
Gjiknuri: Ishte vullnet i mirë për të gjetur një dialog me opozitën duke ruajtur kuadrin ligjor kushtetues dhe parlamentar.
Ky dialog që do të shkojë përtej Reformës?
Gjiknuri: Jam këtu për këtë çështje, nëse do të ketë të tjera, mbetet për tu parë.
A është hapi i parë për zgjidhjen e krizës dhe kthimin e opozitës në parlament?
Gjiknuri: Nuk e di si mund të ndodhë kjo.
Kishte ndërkombëtar aty?
Gjiknuri: Ju e pate që aty ishin palët shqiptare të ulura, ndërkombëtarët e ndjekin me shumë vëmendje.
Po sistemi është objekt?
Gjiknuri: Sistemin nuk e kemi përjashtuar, do dakordësi, por që nuk lidhet me rekomandimet. Askush nuk i jep mend Shqipërisë se çfarë sistemi të përdorë.
NDIQE LIVE "PANORAMA TV" © Panorama.al
