Me një minutë heshtje, Kuvendi i Kosovës ka nderuar sot viktimat e masakrës së Srebrenicës.
Kryetari i Kuvendit, Kadri Veseli tha se masakra e Srebrenicës, e cila ndodhi 20 vjet më parë, paraqet gjenocid dhe krim që duhet të prek në ndërgjegjen e gjithë botës.
Deputetët e komunitetit bosnjakë kanë rikujtuar masakrën e Srebrenicës. Ata kanë shprehur pakënaqësinë e tyre lidhur me faktin se më 11 korrik, kur do të mbahet ceremonia përkujtimore për të shënuar 20 vjetorin e masakrës, ata nuk mund të udhëtojnë për në Srebrenicë, për shkak të procedurave të ndërlikuara të udhëtimin, për faktin se Bosnja dhe Hercegovina nuk e njeh pavarësinë e Kosovës.
Më 11 korrik në Srebrenicë afro 8,000 burra dhe djemë myslimanë u vranë nga forcat serbe.
NDIQE LIVE "PANORAMA TV" © Panorama.al
