Deputetët e Kuvendit të Kosovës pritet të marrin vendimin pothuajse më të rëndin prej pasluftës pasi do të votojnë pro themelimit të Gjykatës Speciale, e cila do të merret me ndjekjen e ish-pjesëtarëve të UÇK-së.
10:40-Parlamenti i Kosovës ka shtyrë seancën parlamentare për themelimin e Gjykatës Speciale, e cila ishte parashikuar të mbahej sot.
Me 78 vota pro, 2 abstenime dhe 1 kundër, seanca u shty. Kryetari i Kuvendit, Kadri Vesleli nuk ka dha asnjë datë se kur do të mblidhet Parlamenti për këtë çështje.
10:15-PDK bën kërkesë për shtyrjen e seancës
Në emër të PDK-së, Adem Grabovci, ka thënë se, pas konsultave me shefat e grupeve parlamentare, duhet të shtyhet seanca parlamentare për votimin e Gjykatës Speciale.
Ai ka thënë se janë disa pengesa teknike pasi projektligji për Gjykatën Speciale. “Propozojmë që për shkak të këtyre çështjeve teknike të shtyhet seanca”, ka thënë Grabovci.
8:30-Mblidhet parlamenti
Deri më tani, koalicioni i ka të sigurta 84 vota të deputetëve me kusht që të gjithë ata që janë pro themelimit të jenë prezentë në seancën e sotme.
Kështu, të gjithë 33 deputetët e LDK’së pritet t’i thonë “PO” Speciales. Ndërsa, të PDK’së do të jenë vetëm 32 pasi Nait Hasani, Fadil Demaku, Ganimete Musliu kanë paralajmëruar votë kundër.
Ndërkohë, 10 deputetët e Listës Srpska pritet të japin votën për të themeluar Gjykatën. Njësoj pritet të votojnë edhe 6 deputetët tjerë e pakicave tjera në grupin 6 Plus.
Sidoqoftë, koalicioni llogarit edhe në votat e tre deputetëve të pavarur siç janë: Blerim Shala, Margarita Kadriu e Nenad Rashic.
Dihet se Lëvizja Vetëvendosje dhe NISMA për Kosovën prej fillimit kanë thënë se nuk do të votojnë për themelimin e Gjykatës Speciale.
E krejt ndryshe është duke vepruar Partia e Ramush Haradinajt, e cila kishte qenë njëra prej partive më të zëshme pro themelimit të kësaj Gjykate. Ata kanë paralajmëruar se vota e tyre do të jetë kundër. Express
NDIQE LIVE "PANORAMA TV" © Panorama.al