Sot në Kuvend, Prokuroria e Krimeve të Rënda ka dorëzuar kërkesën për heqjen e imunitetit të Saimir Tahirit. Kjo kërkesë më pas do ti hapë rrugë arrestimit të ish-ministrit të Brendshëm.
Kujtojmë që kjo kërkesë e Prokurorisë vjen pasi në dosjen e “Habilajve”, dyshohet se është i implikuar dhe ish-ministri Tahiri. Ky i fundit akuzohet për ‘Trafik droge’ dhe ‘korrupsion të zyrtarëve të lartë’.
Por lidhur me këtë situatë lind pyetja se cilët do jenë deputetët e Kuvendit që kanë në dorë ‘fatin’ e ish ministrit?
Bëhet e ditur se anëtarët e Këshillit të Imunitetit, të cilët kanë në dotë fatin e ish-ministri janë:
Gramoz Ruçi, Klotilda Bushka, Bledar Çuçi, Vasilika Hysi, Ulsi Manja, Eduard Halimi, Gent Strazimiri, Enkelejd Alibeaj, Nasip Naço dhe Dhurata Çupi.
Këshilli i Mandatave dhe Imunitetit pritej të mblidhej sot në orën 19:00 për të vendosur nëse ish ministrit të Brendshëm do i hiqet ose jo mandati i deputetit, por ajo u shty per te premten ne oren 11:00 ne mesdite.
Kur do mblidhet Këshilli i Rregullores? Ruçi- deputetëve të PD: Se kam ende kërkesën për arrestimin e Tahirit
Paradite, i kontaktuar nga deputetët e PD-së, Gramoz Ruçi tha se nuk ka marrë një kërkesë nga Prokuroria dhe nuk dha një orë të mbledhjes së Këshillit të rregullores dhe Imuniteteve.
NDIQE LIVE "PANORAMA TV" © Panorama.al
