U luajtën sot ndeshjet e para të turit të parë të Kupës së Shqipërisë në Grupin B. Partizani fitoi me goleadë 2-6 në Kuçovë në ndeshjen ndaj Naftëtarit. Vendasit kaluan të parët në avantazh me anë të Nallbatit, por të kuqtë më pas përmbysën shifrat me golat e Xhixhuas që shënoi dopietë dhe realizimet e Malotës, Çanit, Herrerës dhe Bathës me penallti. Sulmuesi Edgar Çani u fut në lojë në pjesën e dytë dhe debutoi me gol me fanellën e Partizanit.
Flamurtari fitoi pastër 0-2 ndaj Dinamos në takimin e luajtur në kompleksin “Internacional” në Pezë-Helmes. Hoxhaj dhe Musta ishin autorët e golavë për këtë fitore të vlonjatëve.
Në takimet e tjera, Turbina mposhti Korabin, Apolonia barazoi me Lushnjën, Pogradeci mposhti Shkumbinin në Peqin dhe Luftëtari mposhti Elbasanin në transfertë. Ndeshja mes Tomorit dhe Bylisit u ndërpre për shkak të largimit të forcave të rendit.
KUPA E SHQIPËRISË – TURI I PARË – GRUPI B
Naftëtari – Partizani 2-6
Nallbati 12′, Kajo 80′ / Xhixhiua 19′, 72′, Malota 44′, Çani 60′, Herrera 65′, Batha 85′ (11-m)
Dinamo – Flamurtari 0-2
Hoxhaj 49′, Musta 67′
Turbina – Korabi 3-2
Baku 29′, Gorxha 36′, Peqini 55′ / Turhani 7′, Murrja 17′
Apolonia – Lushnja 1-1
Krasniqi 82′ / Pepa 12′
E NDËRPRERË | Tomori – Bylis 0-1
Limaj 58′
Shkumbini – Pogradeci 0-2
Çekiçi 5′, Kame 77′
Elbasani – Luftëtari 0-3
Janku 39′, Zogaj 43′, Nunjez 83′
U luajt në orën 13:00
Sopoti – Laçi 0-12
NDIQE LIVE "PANORAMA TV" © Panorama.al