Sipas Fatos Lubonjës, Mid’hat Frashëri është një figurë, jetën dhe veprën e të cilit duhet ta njohin të gjithë shqiptarët.
“Historia e tij është historia e krijimit të Shqipërisë,” thotë analisti në një lidhje Skype me studion e emisionit “Dritare me Rudinën” në News24.
Lubonja shprehet se Mid’hat Frashëri, si kryetar i Ballit Kombëtar, ka pranuar të bashkëpunojë me nazistët, duke menduar se “gjermanët janë kalimtarë ndërsa rreziku kërcënues i komunizmit mund të mbetet”. Sipas tij këtë Frashëri e ka bërë gjatë kohës së revolucionit socialist në Shqipëri, ndërsa ka pasur edhe një debat mes tij dhe Paskal Milos.
Po të lexosh Frashërin, do shikosh koherencën e tij si patriot. Nuk është zgjedhje e Frashërit ajo që ka bërë në Luftën e Dytë Botërore. Ai vë në dukje në veprën e tij armiqtë e Shqipërisë, grekët dhe serbët. Kemi të bëjmë me një intelektual që ka një projekt. Dhe këtyre armiqve i bashkohet dhe një armik tjetër, bolshevizmi. Përtej zgjedhjes së tij në Luftën e Dytë Botërore, duhet të shohim kontekstin e Shqipërisë. Pushtimi italian e gjerman solli një Shqipëri më të madhe. Një bashkëpunim me serbët konsiderohej, për Mid’hat Frashërin e papranueshme. Ai ka qenë anti-komunist, anti-bolshevik.
Paskali tha ky na ka përçarë. Këtu duhet të jemi më të saktë. Ajo që i ka ndarë, ka qenë projekti i revolucionit socialist. Përçarja e parë vjen nga komunistet qe prishen marreveshjen e Mukjes me urdher te jugosllaveve sepse deri atehere kane bashkepunuar sic e tregon edhe marreveshja e Mukjes sepse donin te vazhdonin revolucionin socialist duke mos ndare pushtet, dhe bashkëpunimi me gjermanët vjen se vlerësimi i Mid’hat Frashërit, ka qenë se gjermanët janë kalimtarë dhe se komunizmi mund të na mbetet dhe është rrezik i madh,” tha Lubonja.
“Mid’hat Frashëri denigron figurën e Ismail Qemalit”, u shpreh Paskal Milo.
“Po mirë ia bën..”, ka replikuar Lubonja.
Lidhur me Ismail Qemalin Lubonja tha se “pakenaqesia e Mit’hat Frasherit dhe jo vetem e tij por edhe e nje figure te njohur si Eqerem Bej Vlora ka qene politika e tij e bute ndaj grekeve qe ne kohen e qeverise se Vlores luftonin per te pushtuar Janinen qe sipas tyre duhej mbrojtur me lufte nga shqiptaret ne bashkepunim me ushtrine osmane dhe jo te lihej”.
“Nuk mund të shkëputet Mid’hat Frashëri nga Balli Kombëtar, sepse përpjekja për ta shkëputur nuk qëndron”, ka vijuar më tej diskutimin e tij Milo.
“Ajo që vë re unë tek diskursi i Paskalit, është që disa gjëra nuk mund t’i prekim…”, u shpreh Lubonja.
NDIQE LIVE "PANORAMA TV" © Panorama.al
