Kryemadhi: Me rimbursimin 5% të vlerës së shpenzimeve, sjellim më shumë të ardhura në xhepat e shqiptarëve

Feb 26, 2021 | 10:02
SHPËRNDAJE

Kryetarja e LSI-së, Monika Kryemadhi në një postim në Facebook tregon si ndikon rimbursimi i shpenzimeve në paga.

Sipas Kryemadhit, sa më e madhe të jetë paga, aq më i madh është shpenzimi dhe rimbursimi 5% bëhet më i  madhe.

“Edhe ata që sot e kanë një punë, pothuajse të gjithë pagën e tyre e çojnë për ushqime, veshje dhe shërbime. Të ardhurat janë të pamjaftueshme për të përballuar koston e lartë të jetesës. Ne e dimë se qytetarët kanë nevojë për ndihmë të shpejtë, ndaj me programin e LSI-së për rimbursimin 5% të vlerës së shpenzimeve, përjashtuar ato në entet publike, ndërsa formalizojmë së bashku ekonominë, sjellim më shumë të ardhura në xhepat e shqiptarëve. Sa më i lartë shpenzimi, aq më e lartë vlera e kthimit”, shkruan kryetarja e LSI-së.

NDIQE LIVE "PANORAMA TV" © Panorama.al

Te lidhura